قصيدة في شارون الشام
يا بليد الحس ياللي لا رحم بو جده
أشهد أن أيام عمرك فالزمن معدوده
ودي أنشد ذالنصيري وش معه وش بده
بأي ذنبٍ يوؤدون الطفلة الموؤوده
زهب شداد الرحيل أيام حكمك عده
لو يكون اسم الرحيل يتعبه ويكوده
كل واحد يتقِ الرحمن يوقف ضده
يالله أنك تعقل أقدامه وتكسر عوده
وش نبي في واحدٍ للناس صعّر خده
عقله المطموس ولا أفكاره المحدوده
بالنذالة والردى والشر تبطش يده
صارت عيونه من أيام الشقا مرموده
علموا بشار لو عنده عتاد وعده
والله إن يورد بحور العار والمنقوده
خله يحث القدم عاللي يريد ووده
بكرة بيلقى حبال الموت به معقوده
وبكرة بيضحك عليه الناس قوم وبده
وبكرة بيندق خشمه وبتموت جنوده
وبكرة بتنرد له هجماته المرتده
وبكرة يحصل قصوره من يده مفقوده
وبكرة بتثقل عليه همومه المشتده
لين تبرك في وسط صدره جبال السوده
ما تفيده نفخته وقصوره المنهده
والنكد في وسط قلبه صدرته ووروده
الشاعر / عبدالله القحطاني
اللهم كن عوناً لاخواننا في سوريا
